ဒုဢ္ဒါ အတဿ္အိဢ္သးဒီး အတဿ္ဟူးတဿ္ဂဲၯလဿ မုာ္ၾတီၯကီဿ္ရ့ဢ္ အဟီဢ္က၀ီၯပူၯ

လဿ- လူၯသီဖီဒ့

ဖဲ လါဖ့ၯၾဘဴအါရံၯ ၃၀ သီ‚ ၂၀၁၃ နံဢ္ န႔ဢ္ ဒုဢ္ဒါအသိလ့ဢ္မၯက်ဲ ဟဲတုၯ၀ဲဖဲ ခ့ပူၯ‚ ဆီဢ္လီၯကႜီ ဒီး မၯ ဂ့ၯထီဢ္၀ဲ ကဘီယူၯပ်ီဒီး အသုးကလဿၯန႔ဢ္လီၯ. ၀ံအလီဿ္ခံ ဖဲ ၂၄ သီ လါဖ့ၯၾဘဴအါရံၯ အပူၯ သိလ့ဢ္ဟဲတီတဿ္အီဢ္တုၯ၀ဲလဿ ဃီဢ္ဒီခိဢ္ ၃၈ ခိဢ္ဒီး ဖဲ ၂၅ သီိအနံၯန႔ဢ္ ၁၀၄၅ ဆကတ အသိလ့ဢ္ ဟးထီဢ္္ကဒီး၀ဲလဿ ဃီဢ္ဒီခိဢ္္ ၂၅ ခိဢ္္ဒီး ဟဲဆွဿ၀ဲတဿ္အီဢ္တုၯ ဆဢ္လီၯကႜိ၀ံၯ က့ၯက့ဒါက့ၯ၀ဲန႔ဢ္လီၯ.

ဖဲ ၂၇ သီ လါဖ့ၯၾဘဴအါရံံၯ အပူၯ ၁၀၃၀ ဆကတ အသိလ့ဢ္္မၯက်ဲ လဿခ့ပူၯတဖဢ္ က့ၯ၀ဲဆူ ဃီဢ္ဒီခိဢ္ ဒီး မ့မ့ဿ္ ၀၅၀၀ ဆကတ လဿအအိဢ္ဖဲ ဃီဢ္ဒီခိဢ္တဖဢ္န႔ဢ္ သုးက့ၯအလီဿ္ဆူ ဘုဆဢ္ခံ ဃုာ္ဒီး အသိ လ့ဢ္္တီတဿ္အီဢ္ဒီးအပွၯဟံးတဿ္ဘံဢ္တဿ္ဘဿသ့ဢ္န႔ဢ္လီၯ. ဖဲအပူၯကြံာ္ ၂၅ သီအနံၯ လါဖ့ၯၾဘဴအါရံၯ အပူၯစ့ဿ္ကီး ဒုဢ္ဒါအကသ့ဢ္ဆွဿတဿ္အီဢ္တဖဢ္ ဟဲတုၯ၀ဲဖဲ မီၯဖူ ၁၃၀ ဒုဒီး တနံၯဃီအတီဿ္ပူၯ ဒုဢ္ဒါ လဿအမ့ဿ္ စကခ ၁၃ စုတီၯအဖီလာ္ ခမရ ၅၅၆ လဿအအိဢ္ဖဲ ခူသူဢ္ထဢ္ တဖဢ္စ့ဿ္ကီး လဲၯထီဢ္၀ဲဆူ က့ဢ္ကီာ္အသုးကလဿၯဒီး လဲၯထီဢ္မံက့ၯ၀ဲဖဲ ဖွဢ္၀ဲထဢ္တနၯလဿ အသုးဂံဿ္ဘါအိဢ္၀ဲ ၄၀ ဂၯအံၯန႔ဢ္ ဖဲ ၂၆ . ၂. ၂၀၁၃ အနံၯန႔ဢ္ လဲၯတုၯ၀ဲဖဲ မဲၯ၀့ၯန႔ဢ္လီၯ.

သုးလဿအဟဲႏုာ္လီၯခဲအံၯ သ့ဢ္တဖဢ္မ့ဿ္၀ဲ သုးတမွံၯဒီး လဿကဟးထီဢ္က့ၯလီၯအဂီဿ္ တဿ္ပာ္ပနီဢ္န႔ဿ္ အီၯတဿ္လီဿ္အိဢ္၀ဲဘဢ္ဆဢ္ တဿ္လီဿ္လဿ အဟဲႏုာ္၀ဲဖဲ ဖွဢ္၀ဲထဢ္ဒီး မံ၀ဲဖဲ မ့ၯ၀့ၯအံၯန႔ဢ္ တမ့ဿ္တဿ္လီဿ္ လဿတဿ္ပာ္ပနီဢ္န႔ဿ္အီၯလဿ ကဟးထီဢ္က့ၯလီၯအလီဿ္အဂီဿ္ဘဢ္န႔ဢ္လီၯ. ဒီးတနံၯဃီအတီဿ္ပူၯန႔ဢ္ ဒုဢ္ဒါလဿအအိဢ္ဖဲ ၀ဢ္က်႕ဢ္တူဿ္တဖဢ္စ့ဿ္ကီး ဟဲပာ္လီၯ၀ဲ ဟုသး ၅ ထဿဢ္ဖဲ ဒ့ဢ္လီၯခိဢ္ကါက်ဲပူၯၯလဿ အပဢ္ဃုာ္၀ဲဒီး လံာ္ရၯလီၯတဘ့ဢ္န႔ဢ္လီၯ.

မ့မ့ဿ္လဿ ဃိဢ္လိာ္က်ိတကပၯ ဖဲ ၂၂‚ ၂‚ ၂၀၁၃ နံဢ္အနံၯ ဒုဢ္ဒါလဿ ဖါဆီ(ဖားေဆာင္း) တဖဢ္ ဆွဿလီၯ တဿ္အီဢ္လဿတဃီၯထဢ္‚ စီၯထဢ္‚ ကီၯ၀့ၯကႜိဒီး သံမုဿ္ထဢ္အဂီဿ္ လဿအပဢ္ဃုာ္၀ဲဒီး တဿ္ဖိတဿ္လံၯ ကိဢ္ပူတဢ္ ၇ ဘ့ဢ္ဒီး ခ်ံပနဿ္ ၃ ဘ့ဢ္အက်ါတီဃုာ္၀ဲဒီး ကသ့ဢ္ ၂ ဒုန႔ဢ္လီၯ. ခမရ ၅၁၁‚၅၁၂ သုးရ့ဢ္ခိဢ္ ညံဢ္ညံဢ္အီဢ္(ညီညီေအာင္) လဿအတီခိဢ္ရိဿ္မဲဒီးဟံးတဿ္ဘံဢ္တဿ္ဘဿဖဲန႔ဢ္တဂၯ ခဲအံၯမၯဂ့ၯထီဢ္၀ဲက ဘီယူၯပ်ီလဿအမ့ဿ္ မိဢ္လိဢ္ဒ့သုးကလဿၯဒီး ကီၯ၀့ၯကႜိလဿတဿ္လီဿ္ ၃ တီၯဒီး ဖဲ ၂၇‚၂‚၂၀၁၃ နံၯန႔ဢ္ ဒုဢ္ဒါဆွဿကဒီးဟုသး သိအီဢ္ ခီဖ်ိခ်ံ ၁၃ ဘ့ဢ္ဒီး လဿခ်ံ ၁၃ ဘ့ဢ္အက်ါ ခ်ံ ၄ ဘ့ဢ္အပူၯန႔ဢ္ ပဢ္္ဃုာ္၀ဲဒီး တဿ္ခ်ံတဿ္သဢ္လဿ အဒိဢ္္အဆံးသ့ဢ္တဖဢ္န႔ဢ္လီၯ.