Friday, January 31, 2014

ကီဿ္ရ့ဢ္မုာ္ၾတီၯမၯလၯကပီၯ၀ဲကညီတဿ္ပဿဿ္ဆဿမုဿ္နံၯပွဲၯထီဢ္(၆၅)၀ီတ၀ီမူးတဿ္ရဲဢ္တဿ္က်ဲၯ အါန႕ဢ္ဒိဢ္န႕ဢ္ဒံး နံဢ္လဿအပူၯကြံာ္




         





  ဖဲတနံဢ္အံၯ ၂၀၁၄ နံဢ္ န႕ဢ္ လဿတဿ္မၯလၯကပီၯ၀ဲ ကညီတဿ္ပဿဿ္ဆဿမုဿ္နံၯပွဲၯထီဢ္ (၆၅) ၀ီတ၀ီအမူး ဖဲမုာ္ၾတီၯကီဿ္ရ့ဢ္ ဒ့ဢ္ပူၯနိဢ္ဟီဢ္က၀ီၯပူၯအဂီဿ္ ကီဿ္ရ့ဢ္မုာ္ၾတီၯအိဢ္ဒီး တဿ္ရဲဢ္တဿ္က်ဲၯဒိဢ္ဒိဢ္ မုဿ္မုဿ္အါန႕ဿ္ဒိဢ္န႕႔ဿ္ဒံးနံဢ္ လဿအပူၯကြံာ္ သ့ဢ္တဖဢ္ လဿကမၯလၯကပီၯမူးဘ်ီ ၀ဲအံၯ န႕ဢ္လီၯ.

  လဿတဿ္မၯလၯကပီၯမူးဘ်ီ၀ဲအံၯန႕ဢ္ ကအိဢ္ဃုာ္၀ဲဒဢ္တဿ္ရဲဢ္တဿ္က်ဲၯတဖဢ္ဒ္အမ့ဿ္ တဿ္လိာ္ကြဲ အကလုာ္ကလုာ္ ‚ဖ်ဿဢ္ထူ‚ဖ်ဿဢ္ပွီဿ္‚ဃဿ္ဖ်ဿဢ္‚တဿ္တီဿ္ဆီဆူဢ္‚ တဿ္ဆါတဿ္ပွ႕ၯ‚ တဿ္သူဢ္ဖွံသးညီ‚ တဿ္ကြဲး ျပဿထါ‚ တဿ္ကြဲးထီရီၯတဖဢ္ဒီး တဿ္မၯလၯကပီၯ၀ဲကညီတဿ္ပဿဿ္ဆဿသးပွဿ္လဿအသးနံဢ္ ပွဲၯထီဢ္ ဃုဆံယဲဿ္နံဢ္ ၃၉ ဂၯဃုာ္ ဒီးကညီသိဢ္ဒူလဿအက့ဿ္အဂီၯဟးဂီၯတဖဢ္၊ တကးဒံးဘဢ္အမဲာ္ညါ အိဢ္ဃုာ္ စ့ဿ္ကီးဒီးတဿ္ရဲဢ္တဿ္က်ဲၯအဂၯဒ္အမ့ဿ္လီဿ္ခဿဢ္သးခိဢ္နဿ္တနီဒီးကီဿ္ရ့ဢ္ခိဢ္နဿ္ပွၯဘူဢ္မူဘဢ္ဒါတဖဢ္အတဿ္ထံဢ္လိာ္အိဢ္သကိးကမ်ဿဿ္၊ပွၯသူဢ္ဘီဢ္သးစဿ္ဒီးကႜိဖိသ့ဢ္တဖဢ္တဲနဿ္ပဿဿ္အ၀ဲသ့ဢ္လဿ တကီဿ္ခါ ထံရူဿ္ ကီဿ္သဲး တဿ္အိဢ္သး၊တဿ္ပတုာ္တဿ္ခးဒီးတဿ္မုာ္ တဿ္ခုဢ္အတဿ္ရဲဢ္ တဿ္က်ဲၯ တဿ္အိဢ္သး သ့ဢ္တဖဢ္န႕ဢ္လီၯ.

          လဿမူးဘ်ီအံၯ မ့မ့ဿ္ကညီသံက်ဲကရဿလဿတဿ္ကြဲမုာ္အီၯတဖဢ္မ့ဿ္၀ဲ လဿခြံဖ်ဿဢ္၊ က်ိဢ္ကြဲၯ၊ ကႜီဢ္တဲာ္ ကညီသံက်ံကရဿဒီးကညီပွၯသး၀ံဢ္တဿ္မံၯဟူသဢ္ဖ်ါတဖဢ္ ဒီးဖဲ၂၈သီနံၯဟါမူးသးဖွံ ဆဿကတီဿ္န႕ဢ္ ကညီသံက်ံကရဿဟဲတုၯဆိတဖုလဿအမ့ဿ္ လဿခြံဖ်ဿဢ္ သံက်ံကရဿတဖဢ္ သူဢ္၀ံဢ္သး ဆဿတဿ္ဖဲဟါမူး သးဖွံဆဿကတီဿ္ဒီး ဖဲ၂၉ သီဟါဆဿကတီဿ္န႕ဢ္ ကညီကႜီဢ္တဲဢ္သံက်ံကရဿ၊လဿခြံဖ်ဿဢ္ဒီးက်ိဢ္ကြဲၯကရဿ တဖဢ္သူဢ္၀ံဢ္ သးဆဿ၀ဲတဿ္ဖဲတဿ္သး၀ံဢ္ျပဿ၀ံံၯအလီဿ္ခံဒီးဟါမူးသးဖွံတဿ္ရဲဢ္တဿ္က်ဲၯအံၯကအိဢ္္၀ဲတုၯ လါ ယူၯႏူၯအါရံဢ္ ၃၁ သီအဟါန႕ဢ္လီၯ.
          တဿ္မၯလၯကပီၯကညီတဿ္ပဿဿ္ဆဿမုဿ္နံၯလဿ ကီဿ္ရ့ဢ္မုာ္ၾတီၯဘ်ီ၀ဲအံၯန႕ဢ္ မ့ဿ္၀ဲတဿ္အဆိကတဿဿ္ တဘ်ီ လဿ တဿ္မၯလၯကပီၯ၀ဲမူးဒိဢ္ဒိဢ္မုဿ္မုဿ္ဒ္အံၯန႕ဢ္လီၯ .လီၯဆီဒဢ္တဿ္လဿတဿ္မၯလၯကပီၯ မူးဘ်ီ၀ဲအံၯန႕ဢ္ ဂ့ၯန႕ဢ္ဒိဢ္န႕ဿ္ဒံး၀ဲ နံဢ္လဿအပူၯကြံာ္သ့ဢ္တဖဢ္ မ့ဿ္လဿတနံဢ္အံၯ န႕ဢ္ မ့မ့ဿ္သုးလဲၯကပာ္ တဿ္သုးဒုးနဲဢ္တဿ္န႕ဢ္ သုးရွ႕ဢ္ခဲလဿာ္အိဢ္ ၀ဲခြံရွ႕ဢ္ ဒီးသုးနီဿ္ဂံဿ္အိဢ္၀ဲ ခံကယၯသဿဆံခြံဂၯန႕ဢ္လီၯ. လဿတဿ္မၯလၯကပီၯ၀ဲကညီတဿ္ပဿဿ္ဆဿမုဿ္နံၯအဂီဿ္ တဿ္ဒုးနဲဢ္သုးနီဿ္ဂံဿ္ဒီးသုးလဲၯကပာ္တဿ္န႕ဢ္ဘ်ီ၀ဲအံၯ အါန႕ဢ္ဒံးနံဢ္လဿအပူၯကြံာ္သ့ဢ္တဖဢ္န႕ဢ္လီၯ.ဒီးလဿမူးဘ်ီ၀ဲအံၯ အိဢ္ဃုာ္စ့ဿ္ကီး၀ဲဒီး ကညီပိာ္မုဢ္ကႜိဖိ တဖဢ္ တဿ္ဂဲၯကလံာ္ ဒိ န႕ဢ္လီၯ.
လီၯဆီဒဢ္တဿ္လဿမူးဘ်ီ၀ဲအံၯန႕ဢ္ ပထံဢ္ဘဢ္လဿ ပဒီပုဿ္၀ဲကညီဖိ လဿကီဿ္ကႜီဢ္တဲာ္ သ့ဢ္တဖဢ္ ဒီးကညီဖိလဿကီဿ္ပူၯ ကီဿ္ခ်ဿသ့ဢ္တဖဢ္ဟဲထီဢ္မၯလၯကပီၯ၀ဲ ပကညီတဿ္ပဿဿ္မုဿ္နံၯ၀ဲအံၯ ပွဲၯဒီးတဿ္သူဢ္ ဆူဢ္သးဂဲၯ၊ တဿ္သူဢ္ဖွံသးညီလဿပသိးပက်ါ အါန႕ဿ္အန႕ဢ္ လဿမူးတဘ်ီညါအံၯန႕ဢ္ လီဿ္ခဿဢ္သးခိဢ္နဿ္ တနီၯဟဲထီဢ္မၯ လၯကပီၯစ့ဿ္ကီး၀ဲမူးတဘ်ီအံၯဒီး လဿမူးတဘ်ီအံၯအပူၯအ၀ဲသ့ဢ္တဖဢ္ ပွိဢ္လီၯတဲလီၯဒီး တဲနဿ္ပဿဿ္ အါထီဢ္ဘဢ္၀ဲ ကမ်ဿဿ္သ့ဢ္တဖဢ္လဿ ပကညီအတဿ္ဂဲၯလိာ္တဿ္ပဿဿ္ ဆဿဒီးခ့ခါကတီဿ္ ထံရူဿ္ ကီဿ္သဲး တဿ္အိဢ္သးတဿ္ဟူးတဿ္ဂဲၯသ့ဢ္တဖဢ္န႕ဢ္လီၯ.
လဿမူးဘ်ီအံၯတဿ္ရဲဢ္တဿ္က်ဲၯလီၯလီၯဆီဆီအဂၯတခါ န႕ဢ္မ့ဿ္၀ဲ ဖါ ဖီဢ္ဒ့ရွဿဢ္ တဿ္ရဲဢ္တဿ္ က်ဲၯ လဿအမ့ဿ္ တဿ္ဟ့ဢ္မၯလၯကပီၯကညီသး သ့ဢ္တဖဢ္ လဿအဟ့ဢ္လီၯတ့ဿ္အသးလဿအပွၯကလုာ္ပွၯတ၀ဿ တဿ္ဖံးတဿ္မၯပူၯ တုၯလီၯတီၯလီၯ လဿတဿ္သးအိဢ္နီဿ္နီဿ္သ့ဢ္တဖဢ္န႕ဢ္လီၯ.ဒီးလဿဘ်ီ၀ဲအံၯပွၯဒိးန႕ဿ္ဘဢ္ ဖါဖီဢ္ဒ့ရွဿဢ္ ခိဢ္ဖးတခီမ့ဿ္၀ဲ သရဢ္မုဢ္ နီဿ္ကညီဖီ လီဿ္ခဿဢ္သးကညီပိာ္မုာ္ကရဿ နဲဢ္ရြဲဢ္ န႕ဢ္လီၯ.
လဿတဿ္ရဲဿ္တဿ္က်ဲၯမူးဘ်ီ၀ဲအံၯ ပွၯလဿအဟဲထီဢ္မၯလၯကပီၯ၀ဲ ကညီတဿ္ပဿဿ္ ဆဿမုဿ္နံၯ သ့ဢ္တဖဢ္ န႕ဢ္မ့ဿ္၀ဲ ကညီသံက်ံလဿအမံၯဟူသဢ္ဖ်ါသ့ဢ္တဖဢ္၊ ကညီဖိလဿကီဿ္ပူၯကီဿ္ခ်ဿ သ့ဢ္တဖဢ္၊ တဿ္ဘူဢ္ တဿ္ဘါခိဢ္နဿ္သ့ဢ္တဖဢ္၊ကႜိဖိသူဢ္ဘီဢ္သးစဿ္ သ့ဢ္တဖဢ္ဒီး၊သုးမုဿ္သံဢ္ဘိ၊ခိဢ္နဿ္ပွၯဘဢ္မူ ဘဢ္ဒါဃုာ္ဒီးထံဖိကီဿ္ဖိကမ်ဿဿ္ခဲလဿာ္န႕ဢ္ ပွၯနီဿ္ဂံဿ္အိဢ္၀ဲ လြံဿ္ကထိသဿကယၯဘ်ဲဢ္ဒီးမူးဒိဢ္ ဒိဢ္မုဿ္မုဿ္ဒ္သိး အံၯ လဿ တဿ္မၯအီၯဖဲမုာ္ၾတီၯကီဿ္ရ့ဢ္အပူၯန႕ဢ္ ဘ်ီ၀ဲအံၯမ့ဿ္တဿ္အဆိကတဿဿ္န႕ဢ္လီၯ.

No comments:

Post a Comment

တမွံၯဟဲအိဢ္သကိး ထံကီဿ္ဖဲလဲဢ္

free counters